🩸 एव्हरेस्टवीर अशोक मुन्ने यांच्या प्रेरणादायी उपस्थितीत भव्य रक्तदान शिबिर 🩸

बकरी ईद / ईद-उल-अजहा निमित्त मानवतेचा अनोखा संदेश

दि. २६ अमरावती : “मुक्या प्राण्यांची कुर्बानी न देता… मानवतेसाठी रक्तदान करूया!” हा सामाजिक संदेश देत महाराष्ट्र अंधश्रद्धा निर्मूलन समिती अमरावती व बडनेरा शाखेच्या वतीने बुधवार दि. 27 मे 2026 रोजी भव्य रक्तदान शिबिराचे आयोजन करण्यात आले आहे.
या शिबिराचे मुख्य आकर्षण म्हणजे “One-Legged Wonder of India” म्हणून संपूर्ण देशात ओळख निर्माण करणारे एव्हरेस्टवीर अशोक मुन्ने यांची प्रेरणादायी उपस्थिती होय. कठीण परिस्थितीवर मात करून एव्हरेस्ट सर करणाऱ्या अशोक मुन्ने यांच्या जीवनप्रवासातून युवकांना जिद्द, संघर्ष आणि समाजासाठी काहीतरी करण्याची प्रेरणा मिळणार आहे. त्यांच्या उपस्थितीमुळे मोठ्या संख्येने युवक व रक्तदाते सहभागी होतील, असा विश्वास आयोजकांनी व्यक्त केला आहे.
हे रक्तदान शिबिर सकाळी 10 ते दुपारी 2 वाजेपर्यंत जिल्हा सामान्य रुग्णालय रक्तपेढी, डॉ. बाबासाहेब आंबेडकर चौक, अमरावती येथे पार पडणार आहे.
कार्यक्रमाला मा. डॉ. सतीश तराळ, प्रमोद कोळमकर (उपाध्यक्ष, महा. अंनिस अमरावती), मा. मो. अफसर भाई (कार्यवाह, दलवाजी विभाग अमरावती), रेहमान शहा (शाखाध्यक्ष, बडनेरा शाखा), वि. दा. पवार (उपाध्यक्ष, शहर शाखा अमरावती), हर्षा सगणे (अध्यक्ष, क्रांती नवनिर्मिती राष्ट्रीय संघटन) तसेच राजीव बसवनाथे (जिल्हाकार्यवाह, संविधान जागर विभाग) यांची प्रमुख उपस्थिती लाभणार आहे.
“रक्तदान हेच श्रेष्ठ दान” या भावनेतून प्रत्येक रक्तदात्याने पुढे येत गरजू रुग्णांच्या जीवनासाठी हातभार लावावा, असे आवाहन महाराष्ट्र अंधश्रद्धा निर्मूलन समिती अमरावती जिल्हा, संविधान जागर अभियान, गुरुदेव सेवाश्रम ट्रस्ट व क्रांती नवनिर्मिती राष्ट्रीय संघटन यांच्या वतीने करण्यात आले आहे.

वरील रक्तदान शिबीर मध्ये रक्तदाते म्हणून सहभागी होण्यासाठी खालील लिंक वरील फॉर्म भरावा ही विनंती!!
https://docs.google.com/forms/d/e/1FAIpQLSeJP1cyIG_jsMnZuLPajMeHz_BLWJAp7w7E6gidzt4ZIvXjLg/viewform?usp=publish-editor