लग्नाचे फोटो वेळेत घ्या; ६० दिवसांनंतर फोटोग्राफरची जबाबदारी संपणार!

 दि. १८ :-

 लग्न आणि इतर कार्यक्रमांचे फोटो किंवा व्हिडिओ ग्राहकांनी २ महिन्यांच्या (६० दिवस) आत न घेतल्यास फोटोग्राफर त्यासाठी जबाबदार असणार नाही, असा निर्णय फोटोग्राफर असोसिएशनद्वारे घेण्यात आला आहे. 

लग्नकार्य किंवा इतर कोणत्याही समारंभांमध्ये फोटोग्राफर फोटो आणि व्हिडिओ काढतात. अनेकदा ग्राहक वेळेवर आपले फोटो/व्हिडिओ (डेटा) घेत नाहीत आणि खूप महिन्यांनंतर किंवा वर्षांनंतर डेटा मागतात. दरम्यानच्या काळात डेटा डिलीट किंवा खराब झाल्यास ग्राहक फोटोग्राफरवर निष्काळजीपणाचा आरोप करतात आणि वाद निर्माण होतात.

⚖️  ग्राहकांनी त्यांच्या कार्यक्रमाचे फोटो आणि व्हिडिओ संबंधित फोटोग्राफरकडून ६० दिवसांच्या आत घेऊन जाणे आवश्यक आहे.

 जर २ महिन्यांच्या आत डेटा घेतला नाही आणि त्यानंतर तो डिलीट झाला किंवा गहाळ झाला, तर त्यासाठी फोटोग्राफरला जबाबदार धरले जाणार नाही.

फोटो पाठवण्याची आणि घेण्याची सुविधा उपलब्ध करून दिल्यानंतरही जर ग्राहक वेळेत डेटा घेत नसेल, तर होणाऱ्या नुकसानीची पूर्ण जबाबदारी ग्राहकाचीच असेल. वेळेवर डेटा घेणे ही पूर्णपणे ग्राहकाची जबाबदारी आहे. 

फोटोग्राफरसोबत गैरवर्तन केल्यास, त्यांच्यावर मानसिक दबाव टाकल्यास किंवा त्यांच्यावर खोटे आरोप केल्यास फोटोग्राफरच्या तक्रारीवरून पोलीस FIR (गुन्हा) नोंदवू शकतात.

आपल्या लग्नाचे किंवा इतर कोणत्याही कार्यक्रमाचे फोटो-व्हिडिओ वेळेत फोटोग्राफरकडून प्राप्त करून घ्या आणि ते सुरक्षित ठिकाणी (जसे की पेनड्राईव्ह, हार्ड डिस्क किंवा क्लाउड स्टोरेज) सेव्ह करून ठेवा, जेणेकरून भविष्यात कोणतीही अडचण येणार नाही.

 हा नियम स्थानिक फोटोग्राफर असोसिएशनने त्यांच्या हितासाठी आणि सुरक्षेसाठी तयार केला असून, या स्वरूपाच्या नियमांचे पालन अनेक शहरांमधील फोटोग्राफर्स करतात.