दि. २९ पुणे: राज्यातील १२ वीच्या (इयत्ता बारावी) विद्यार्थ्यांना आता दुसऱ्या ज्युनियर कॉलेजमध्ये किंवा दुसऱ्या जिल्ह्यातील कॉलेजमध्ये प्रवेश घेण्यासाठी ऑनलाईन पद्धतीचा अवलंब करावा लागणार आहे. या संपूर्ण प्रक्रियेसाठी जूनच्या दुसऱ्या आठवड्यात स्वतंत्र पोर्टल सुरू करण्यात येणार आहे.
पुणे विभागाचे शिक्षण उपसंचालक डॉ. गणपत मोरे यांनी याबाबत आवश्यक सूचना परिपत्रकाद्वारे जाहीर केल्या आहेत. माध्यमिक शिक्षण संचालक डॉ. महेश पालकर यांनी या पोर्टलच्या कामाला गती दिली आहे.
🚫 ऑफलाईन प्रवेश पूर्णपणे बंद होणार
गेल्या वर्षीपासून ११ वीची प्रवेश प्रक्रिया शहरी आणि ग्रामीण भागात पूर्णपणे ऑनलाईन झाली आहे. आता त्यात एक पाऊल पुढे टाकत १२ वीची कॉलेज बदल प्रक्रिया देखील ऑनलाईन पद्धतीनेच राबवली जाणार आहे.
नवीन पोर्टल सुरू झाल्यानंतर कॉलेज बदलण्यासाठीचे ऑफलाईन प्रवेश पूर्णपणे बंद केले जातील.
प्रवेश अर्ज भरताना जर विद्यार्थ्याकडे गुणपत्रिका किंवा शाळा सोडल्याचा दाखला नसेल, तर काळजी करण्याची गरज नाही.
अशा वेळी विद्यार्थ्यांना पोर्टलवर प्रतिज्ञापत्र अपलोड करण्याची विशेष सुविधा दिली जाणार आहे.
अधिक माहितीसाठी अंजली कारले (९४२२९६४३४९) आणि श्रीकांत विरपे (९०२१६३४६४५) यांच्याशी संपर्क साधण्याचे आवाहन करण्यात आले आहे.
अहमदनगर, पुणे आणि सोलापूर जिल्ह्यातील माध्यमिक व उच्च माध्यमिक शाळांना हे परिपत्रक पाठवण्यात आले आहे.
ज्या विद्यार्थ्यांनी शैक्षणिक वर्ष २०२४-२५ मध्ये ११ वीची ऑनलाईन प्रवेश प्रक्रिया पूर्ण केली होती, त्यांनाच या सुविधेचा लाभ घेता येईल.
पालकांची बदली, वैद्यकीय कारणे किंवा अन्य अपवादात्मक परिस्थितीत जिल्हांतर्गत अथवा जिल्ह्याबाहेरील ज्युनियर कॉलेजमध्ये प्रवेश घेण्यासाठी ही ऑनलाईन सुविधा उपलब्ध असेल.
या सुविधेचा वापर करून बारावी प्रवेशासाठी कोणत्याही परिस्थितीत ऑफलाईन पद्धतीचा अवलंब करू नये, असे स्पष्ट आदेश देण्यात आले आहेत.
मान्यताप्राप्त ज्युनियर कॉलेजने सरकारने निश्चित केलेल्या शुल्कापेक्षा अधिक शुल्क आकारू नये.
कोणत्याही प्रकारची देणगी (Donation) घेऊ नये, असेही परिपत्रकात कडक शब्दात बजावण्यात आले आहे.
Hello, my name is Jack Sparrow. I'm a 50 year old self-employed Pirate from the Caribbean.