अमरावतीत जलसंकटाची चाहूल; ५०० मीटरच्या परिघात विहीर-बोअरवेल खोदण्यास सक्त मनाई

दि. १४ अमरावती (ग्रामीण उदय  न्यूज नेटवर्क): अमरावती जिल्ह्यात आगामी काळात भीषण पाणीटंचाई निर्माण होण्याची शक्यता लक्षात घेता प्रशासनाकडून महत्त्वपूर्ण पावले उचलण्यात आली आहेत. भूजलाची घसरती पातळी आणि पाण्याची टंचाई रोखण्यासाठी जिल्हाधिकाऱ्यांनी कडक निर्बंध व आदेश जारी केले आहेत.

५०० मीटरच्या आत खोदकामावर बंदी: सार्वजनिक पिण्याच्या पाण्याच्या स्रोतांपासून ५०० मीटरच्या क्षेत्रात नवीन विहीर किंवा बोअरवेल (कूपनलिका) खोदण्यास सक्त मनाई करण्यात आली आहे.

 जिल्ह्यातील भूजल साठ्याचे संरक्षण करण्यासाठी अनधिकृत आणि अति-उपशावर निर्बंध लादण्यात आले आहेत.

 उपलब्ध पाण्याचा वापर प्रामुख्याने पिण्याच्या पाण्यासाठी आणि आवश्यक गरजांसाठीच व्हावा, यासाठी प्रशासनाने पाण्याचा अपव्यय टाळण्याचे आवाहन केले आहे.

जिल्हाधिकाऱ्यांनी जारी केलेल्या या आदेशांचे उल्लंघन करणाऱ्यांवर कायदेशीर कारवाई करण्यात येईल, असा इशाराही प्रशासनाकडून देण्यात आला आहे.