दि. 7 :-
हि महाराष्ट्रात बनावट आणि कृत्रिम (ॲनालॉग) पनीरवर घालण्यात आलेल्या वर्षभराच्या बंदीबाबत आहे. अन्न व औषध प्रशासन (FDA) आयुक्त तुकाराम मुंढे यांनी ही धडाकेबाज कारवाई केली आहे.
ॲनालॉग पनीरवर १ वर्षाची संपूर्ण बंदी
महाराष्ट्रात पनीरच्या नावाखाली विकल्या जाणाऱ्या ॲनालॉग (Analogue) म्हणजेच नॉन-डेअरी (कृत्रिम) पनीरच्या उत्पादन, साठवणूक, वाहतूक, वितरण आणि विक्रीवर राज्य सरकारने १ वर्षासाठी पूर्णपणे बंदी घातली आहे. अन्न सुरक्षा कायदा २००६ च्या कलम ३०(२)(अ) अंतर्गत हा आदेश जारी करण्यात आला आहे.
🏨 हॉटेल, रेस्टॉरंट आणि कॅटरर्सना वापरण्यास मनाई
हॉटेल, रेस्टॉरंट, ढाबे, चायनीज सेंटर्स आणि लग्नकार्यातील कॅटरर्सना हे कृत्रिम पनीर वापरण्यास किंवा साठवून ठेवण्यास सक्त मनाई करण्यात आली आहे.
हॉटेल किंवा रेस्टॉरंटमध्ये ग्राहकांना पनीरच्या भाज्या देताना मूळ दुधाच्या पनीरऐवजी हे स्वस्त कृत्रिम पनीर देऊन त्यांची आर्थिक आणि आरोग्याची फसवणूक केली जात होती.
FDA ने केलेल्या विशेष मोहिमेत बाजारातून पनीरचे ३०८ नमुने तपासणीसाठी घेतले होते. त्यापैकी ३५.४% नमुने (१०९ नमुने) अत्यंत निकृष्ट, नियमबाह्य आणि आरोग्यासाठी असुरक्षित आढळले.
हे ॲनालॉग पनीर दुधापासून बनवले जात नाही. यामध्ये दुधाच्या फॅट्सऐवजी पामतेल (Palm Oil), वनस्पती तूप, स्टार्च आणि घातक रसायनांचा (Emulsifiers) वापर करून ते हुबेहूब पनीरसारखे तयार केले जाते, जे आरोग्यासाठी अत्यंत घातक आहे.
तुकाराम मुंढे यांनी स्पष्ट केले आहे की, जर कोणी या बंदीचे उल्लंघन करून ॲनालॉग पनीर विकताना किंवा वापरताना आढळल्यास त्यांचा माल जप्त केला जाईल. अन्न सुरक्षा कायद्यानुसार ६ महिन्यांच्या कारावासापासून ते थेट आजीवन कारावास आणि लाखो रुपयांच्या दंडाची तरतूद करण्यात आली आहे.
0 Comments