शिरजगाव कसब्यात पोलिसांचे भव्य शक्तिप्रदर्शन

दि.३०

शिरजगाव कसबा :-

अमरावती जिल्ह्यातील शिरजगाव कसबा येथे पोलिसांनी कायदा व सुव्यवस्था राखण्यासाठी भव्य रूट मार्च (शक्तिप्रदर्शन) काढला आहे. आगामी सणासुदीच्या काळात गावात शांतता राहावी आणि कोणताही अनुचित प्रकार घडू नये, हा या मोहिमेचा मुख्य उद्देश आहे.

गावात आगामी काळात येणाऱ्या विविध सण-उत्सवांच्या पार्श्वभूमीवर कायदा व सुव्यवस्था अबाधित राखणे अत्यंत आवश्यक आहे. समाजात शांतता, सुरक्षितता आणि सलोख्याचे वातावरण टिकून राहावे तसेच गुन्हेगारी प्रवृत्तीच्या लोकांवर वचक बसावा, यासाठी पोलिसांनी हे पाऊल उचलले आहे.

शिरजगाव कसबा पोलीस ठाण्याच्या अधिकाऱ्यांच्या आणि कर्मचाऱ्यांच्या उपस्थितीत हा रूट मार्च काढण्यात आला. पोलिसांनी पूर्ण गावातून, गल्लीबोळातून आणि संवेदनशील भागातून संचलन (मार्च) केले. पोलिसांच्या या शिस्तबद्ध संचलनामुळे नागरिकांमध्ये सुरक्षिततेची भावना निर्माण झाली आहे.

आगामी सणासुदीच्या काळात नागरिकांनी कोणत्याही अफवांवर विश्वास ठेवू नये. गावात शांतता व सुव्यवस्था राखण्यासाठी पोलिसांना सहकार्य करावे आणि कोणताही संशयास्पद प्रकार आढळल्यास त्वरित पोलीस प्रशासनाशी संपर्क साधावा.