• "महाराष्ट्र शासनाचा मोठा निर्णय : वयाची ६० वर्षे पूर्ण झाल्यावर मिळणार वार्षिक पेन्शन!"

 दि. ६ :-

 बांधकाम कामगारांना वयाच्या साठीनंतर वर्षाला १२ हजार रुपयांची पेन्शन मिळणार आहे महाराष्ट्र इमारत व इतर बांधकाम कामगार कल्याणकारी मंडळाने त्यांच्या चार प्रमुख योजनांमध्ये मोठे बदल केले असून, जुनी निवृत्तीवेतन योजना रद्द करून नवीन 'सामाजिक सुरक्षा संहितेनुसार सुधारित योजना' लागू केली आहे 

💰 पेन्शन योजनेचे नियम आणि टप्पे

नोंदणीकृत पात्र बांधकाम कामगारांना वयाची ६० वर्षे पूर्ण झाल्यानंतर नोंदणीच्या कालावधीनुसार खालीलप्रमाणे वार्षिक निवृत्तीवेतन मिळेल

• १० वर्षांची नोंदणी असल्यास: वार्षिक ६,००० रुपये पेन्शन 
• १५ वर्षांची नोंदणी असल्यास: वार्षिक ९,००० रुपये पेन्शन 
• २० वर्षांची नोंदणी असल्यास: वार्षिक १२,००० रुपये पेन्शन निश्चित करण्यात आले आहे 

इतर महत्त्वाच्या कल्याणकारी योजना

 नोंदणीकृत बांधकाम कामगाराचा नैसर्गिक मृत्यू झाल्यास ३.५ लाख रुपये आणि अपघाती मृत्यू झाल्यास ६.५ लाख रुपये अर्थसाहाय्य कुटुंबियांना दिले जाईल 

 कामगार कुटुंबातील पती आणि पत्नी दोघेही नोंदणीकृत बांधकाम कामगार असल्यास, दोघांनाही या योजनेचा स्वतंत्र लाभ मिळेल

 कामगारांच्या पहिल्या दोन पाल्यांना अभियांत्रिकी (Engineering), वैद्यकीय (Medical) व इतर उच्च शिक्षणासाठी भरीव आर्थिक मदत दिली जाईल 

📝 नोंदणी कुठे आणि कशी करायची?

• पात्रता: कामगाराचे वय ६० वर्षांपेक्षा कमी असावे 
• अधिकृत संकेतस्थळावरून (Website) अर्ज डाऊनलोड करून किंवा प्राप्त करून, आवश्यक कागदपत्रे जोडून तो जिल्हा सरकारी कामगार अधिकाऱ्यांकडे जमा करावा 

📊 अमरावती जिल्ह्यातील नोंदणीची आकडेवारी

अमरावती जिल्ह्यात सध्या एकूण १० लाख ५ हजार नोंदणीकृत बांधकाम कामगार आहेत, ज्यापैकी ऑनलाइन प्रणालीमध्ये १,०१,५६७ कामगार जीवित आणि सक्रिय आहेत

तालुकानिहाय सक्रिय कामगारांची संख्या:

• अमरावती: ३२,२४०
• अचलपूर: ११,९२३ 
• दर्यापूर: ५,१०६ 
• चांदूर बाजार: ३,६०४
• वरूड: ६,९०५ 
• मोर्शी: ७,०२१ 
• धारणी: ३,८६४
• चिखलदरा: ४,५३१ 
• अंजनगाव सुर्जी: ५,९५४ 
• धामनगाव रेल्वे: ५,१२१ 
• नांदगाव खंडेश्वर: ९,२४० 
• तिवसा: ५,३२७ 
• चांदूर रेल्वे: ३,४८२ 
• भातकुली: ५,२१९