"भारत टॅक्सीचा श्रीगणेशा: अमित शहांच्या हस्ते देशातील पहिल्या 'सहकारी' टॅक्सी सेवेचे लाँच!"

 

"सारथीच होणार मालक! 'भारत टॅक्सी'मध्ये कमिशनला सुटी आणि विमा कवचही मिळणार."

दि, ९:- नवी दिल्ली 

केंद्रीय गृह आणि सहकार मंत्री अमित शहा यांनी ५ फेब्रुवारी २०२६ रोजी नवी दिल्लीतील विज्ञान भवन येथे 'भारत टॅक्सी' (Bharat Taxi) या देशातील पहिल्या सहकारी तत्त्वावरील 'राईड-हेलिंग' (टॅक्सी सेवा) प्लॅटफॉर्मचे अधिकृत उद्घाटन केले .

'सारथी ही मालक' संकल्पना: या प्लॅटफॉर्मवर चालक केवळ सेवा देणारे नसून ते या सहकारी संस्थेचे सह-मालक (भागधारक) असतील . यामुळे नफ्यातील वाटा थेट चालकांना मिळेल 

कमी खर्च आणि जादा उत्पन्न: खाजगी कंपन्यांच्या तुलनेत ही सेवा प्रवाशांसाठी ३०% पर्यंत स्वस्त असण्याची शक्यता आहे . तसेच, चालकांकडून कोणतेही कमिशन कापले जाणार नाही आणि 'सर्ज प्राइसिंग' (जादा दर आकारणी) नसेल

 प्रायोगिक तत्त्वावर यशस्वी ठरल्यानंतर आता ही सेवा दिल्ली-एनसीआर आणि गुजरातमध्ये अधिकृतपणे सुरू झाली आहे . पुढील ३ वर्षांत ती 'काश्मीर ते कन्याकुमारी'पर्यंत देशभर विस्तारण्याचे उद्दिष्ट आहे

या प्लॅटफॉर्मशी जोडलेल्या चालकांना (ज्यांना 'सारथी' संबोधले जाते) ५ लाख रुपयांपर्यंतचा अपघात विमा आणि आरोग्य विमा कवच दिले जाणार आहे

महिला सक्षमीकरण: महिलांच्या सुरक्षिततेसाठी आणि रोजगारासाठी यामध्ये 'सारथी दीदी' आणि 'बाईक दीदी' हे विशेष उपक्रम राबवले जात आहेत, ज्यामध्ये आधीच १५० हून अधिक महिला चालक सहभागी झाल्या आहेत 

कनेक्टिव्हिटी: शेवटच्या मैलापर्यंत सेवा देण्यासाठी DMRC (मेट्रो) आणि AAI (विमानतळ प्राधिकरण) यांच्याशी समन्वय साधून ही सेवा मेट्रो स्टेशन आणि विमानतळांवर उपलब्ध करून दिली जाईल

या लाँचिंग सोहळ्याच्या वेळी १,२०० हून अधिक चालकांचा रॅलीमध्ये सहभाग होता आणि उत्कृष्ट काम करणाऱ्या चालकांना 'शेअर सर्टिफिकेट' देऊन गौरविण्यात आले.