लाडकी बहीण योजनेचे पैसे अखेर खात्यात जमा; नोव्हेंबरचा हप्ता मिळाला, E-KYC मुळे लाभ बंद होण्याची भीती

अमरावती  दि.१ :-मुख्यमंत्री माझी लाडकी बहीण योजनेच्या हप्त्याबाबत आज, १ जानेवारी २०२६ रोजी महत्त्वाची अपडेट समोर आली आहे. 

 नोव्हेंबरचा हप्ता जमा: अनेक लाभार्थी महिलांच्या बँक खात्यात नोव्हेंबर २०२५ चा रखडलेला १,५०० रुपयांचा हप्ता जमा होण्यास सुरुवात झाली आहे 

प्रलंबित हप्ते: काही तांत्रिक कारणांमुळे नोव्हेंबर आणि डिसेंबरचे हप्ते रखडले होते. काही जिल्ह्यांत हे हप्ते एकत्रितपणे (₹३,०००) किंवा टप्प्याटप्प्याने जमा केले जात आहेत.

E-KYC अनिवार्य: ज्या महिलांनी ३१ डिसेंबर २०२५ पर्यंत आपली E-KYC प्रक्रिया पूर्ण केली नाही, त्यांचे जानेवारी २०२६ पासूनचे हप्ते रोखले जाऊ शकतात .

तुमचे पैसे जमा झाले का? असे तपासा:

१. तुमच्या नोंदणीकृत मोबाईल नंबरवर बँकेचा SMS आला आहे का ते तपासा 
२. लाडकी बहीण योजनेच्या अधिकृत पोर्टलवर जाऊन 'अर्जदार लॉगिन' (Applicant Login) द्वारे अर्जाची स्थिती आणि पेमेंट स्टेटस चेक करा 
३. बँकेत जाऊन पासबुक अपडेट करा किंवा आधार लिंक असलेल्या बँक खात्याचे बॅलेन्स तपासा 

जर अद्याप पैसे जमा झाले नसतील, तर तुमचे आधार बँक खात्याशी लिंक आहे की नाही आणि तुमची E-KYC प्रक्रिया पूर्ण झाली आहे का, याची खात्री करून घ्या .