श्रीनिवास पोकळे राष्ट्रीय पुरस्काराने सन्मानित

अमरावती दिनांक २४ (ग्रामीण उदय न्यूज नेटवर्क) 

अमरावती जिल्ह्याचा अभिमान असलेला मराठी चित्रपट सृष्टीतील बाल अभिनेता श्रीनिवास पोकळे याचा देशाचे राष्ट्रपती  श्रीमती द्रोपदी मुर्मू यांचे हस्ते राष्ट्रपती भवनात सत्कार करण्यात आलेला आहे. श्रीनिवास पोकळे यांने मराठी चित्रपट 'नाळ' मध्ये सुंदर अभिनय केलेला आहे.

श्रीनिवास पोकळेने 'नाळ' चित्रपटात 'चैत्या' नावाच्या एका लहान मुलाची भूमिका साकारली होती. ग्रामीण भागातील त्याचे निरागस जीवन आणि कुटुंबातील नात्यांचा गुंता त्याने अतिशय प्रभावीपणे पडद्यावर मांडला. या चित्रपटातील त्याच्या नैसर्गिक अभिनयामुळेच तो प्रेक्षकांच्या आणि समीक्षकांच्या पसंतीस उतरला.

श्री निवास पोकळे या बालकलाकाराला मराठी चित्रपट 'नाळ' मधील अभिनयासाठी राष्ट्रपती द्रौपदी मुर्मू यांच्या हस्ते राष्ट्रपती भवनात गौरवण्यात आले आहे. ही अमरावती जिल्ह्यासाठी एक अभिमानाची गोष्ट आहे.

'नाळ' हा चित्रपट सुधाकर रेड्डी यक्कंटी यांनी दिग्दर्शित केला आहे. या चित्रपटाला अनेक राष्ट्रीय आणि आंतरराष्ट्रीय पुरस्कार मिळाले आहेत. श्रीनिवास पोकळेच्या अभिनयामुळेच या चित्रपटाची कथा अधिक जिवंत आणि हृदयस्पर्शी झाली. त्याच्या या योगदानाची दखल घेऊनच त्याला हा बहुमान मिळाला आहे, जो त्याच्या आणि अमरावती जिल्ह्याच्या नावावर एक मोठा सन्मान आहे.