भारतीय भूवैज्ञानिक सर्वेक्षण (Geological Survey of India - GSI) च्या १७६ वर्षांच्या प्रदीर्घ इतिहासात प्रथमच एका महिला वैज्ञानिकाकडे या सर्वोच्च संस्थेची कमान सोपवण्यात आली आहे. वरिष्ठ भूवैज्ञानिक वर्षा अशोक आगलावे यांनी संस्थेच्या ५४ व्या महासंचालक (Director General) म्हणून अधिकृतपणे पदभार स्वीकारला आहे. त्यांनी असित साहा यांच्याकडून ही सूत्रे हाती घेतली.
वर्षा आगलावे या एक प्रख्यात जीवाश्म वैज्ञानिक (Palaeontologist) असून त्यांना या क्षेत्रातील ३० वर्षांपेक्षा जास्त काळाचा प्रदीर्घ अनुभव आहे.
त्यांनी १९९२ मध्ये 'भारतीय खाण ब्युरो' (Indian Bureau of Mines) मधील सेवेनंतर GSI मध्ये प्रवेश केला. यापूर्वी त्या कोलकाता येथील पूर्व क्षेत्राच्या अतिरिक्त महासंचालक आणि विभाग प्रमुख म्हणून कार्यरत होत्या.
त्यांनी मध्य भारतामध्ये डायनासोरच्या घरट्यांचे नवीन ठिकाण (Salbardi–Ghorpend area) शोधून काढण्यात मोठे योगदान दिले आहे. तसेच अमेरिकेच्या 'युनिव्हर्सिटी ऑफ मिशिगन'सोबत त्यांनी संयुक्त संशोधन केले आहे.
पदभार स्वीकारल्यानंतर त्यांनी स्पष्ट केले की, त्या देशाच्या खनिज सुरक्षेला (Mineral Security) प्राधान्य देतील. लिथियमसारख्या अत्यंत दुर्मिळ आणि महत्त्वाच्या खनिजांचा शोध (Critical Mineral Exploration) वेगवान करणे हे त्यांचे मुख्य उद्दिष्ट असेल.
Hello, my name is Jack Sparrow. I'm a 50 year old self-employed Pirate from the Caribbean.