पंतप्रधान मोदींचा आंध्र-कर्नाटक दौरा; १७,९०० कोटींच्या विकासकामांसह म्हैसूरमध्ये 'विवेक स्मारका'चे लोकार्पण !

 दि. १ :-

पंतप्रधान नरेंद्र मोदी आज १ ऑगस्ट २०२६ रोजी आंध्र प्रदेश आणि कर्नाटक राज्यांच्या महत्त्वपूर्ण एकदिवसीय दौऱ्यावर आहेत. या दौऱ्यात ते १७,९०० कोटी रुपयांपेक्षा जास्त किमतीच्या विकास प्रकल्पांचे उद्घाटन आणि पायाभरणी करणार असून कर्नाटकच्या म्हैसूर येथे ऐतिहासिक 'विवेक स्मारकाचे' लोकार्पण करणार आहेत. 

कर्नाटक दौरा: म्हैसूर येथे 'विवेक स्मारकाचे' उद्घाटन

पंतप्रधान नरेंद्र मोदी दुपारी ३:३० वाजण्याच्या सुमारास म्हैसूरमधील श्री रामकृष्ण आश्रमात नव्याने उभारण्यात आलेल्या 'स्वामी विवेकानंद सांस्कृतिक युवा केंद्र - विवेक स्मारकाचे' उद्घाटन करतील. 

हे स्मारक स्वामी विवेकानंद यांच्या नोव्हेंबर १८९२ मधील ऐतिहासिक म्हैसूर भेटीच्या स्मृतीप्रत्यर्थ ऐतिहासिक 'निरंजन मठाच्या' ठिकाणी उभारण्यात आले आहे. 

८१,००० चौरस फुटांपेक्षा जास्त क्षेत्रफळात पसरलेल्या या स्मारकात ४-डी (4-D) एक्सपिरियन्स सेंटर, भव्य प्रदर्शन हॉल, ७०० आसनी अॅम्पिथिएटर, अत्याधुनिक वर्गखोल्या, ध्यान आणि योग हॉल, आणि ग्रंथालय आहे. 

हे केंद्र मूल्यआधारित शिक्षण, नेतृत्वगुण आणि व्यक्तिमत्त्व विकासाच्या माध्यमातून देशातील तरुणांना प्रेरित करण्याचे काम करेल. या कार्यक्रमाला रामकृष्ण मठाचे अध्यक्ष स्वामी गौतमानंद महाराज आणि कर्नाटकचे मुख्यमंत्री डी.के. शिवकुमार उपस्थित राहणार आहेत. 

आंध्र प्रदेश दौरा: १७,९०० कोटींच्या प्रकल्पांची भेट

म्हैसूरला जाण्यापूर्वी पंतप्रधानांनी सकाळच्या सत्रात आंध्र प्रदेशच्या विजयनगरम जिल्ह्यातील भोगपुरम येथे विविध प्रकल्पांना हिरवा कंदील दाखवला: 

अल्लुरी सीताराम राजू आंतरराष्ट्रीय विमानतळ: पंतप्रधानांच्या हस्ते ५,६४० कोटी रुपयांच्या या पहिल्या ग्रीनफिल्ड आंतरराष्ट्रीय विमानतळाचे उद्घाटन झाले. या विमानतळाची रचना आंध्र प्रदेशच्या पारंपारिक 'चुट्टिलू' झोपड्या आणि अराकू व्हॅलीच्या निसर्गावरून प्रेरित आहे. 

पहिला सेमीकंडक्टर प्लांट: विशाखापट्टणम येथे राज्याच्या पहिल्या सेमीकंडक्टर मॅन्युफॅक्चरिंग फॅसिलिटीची (ASIP Semiconductor Project) पायाभरणी करण्यात आली. 

 कुर्नूल आणि अनंतपूरम येथील अक्षय ऊर्जा  प्रकल्प आणि सुमारे १,८८९ कोटी रुपयांच्या राष्ट्रीय महामार्ग प्रकल्पांचे उद्घाटन व पायाभरणी करण्यात आली.