लोकशाहीचा चौथा स्तंभ मजबूत करा; पत्रकार आणि वृत्तपत्र विक्रेत्यांच्या कल्याणकारी मागण्यांचे आमदार अडसड यांना निवेदन.

दि. १९ चांदूर रेल्वे (ग्रामीण उदय न्यूज नेटवर्क):
पत्रकार आणि वृत्तपत्र विक्रेत्यांच्या प्रलंबित प्रश्नांकडे शासनाचे लक्ष वेधण्यासाठी अखिल भारतीय ग्रामीण पत्रकार संघाने रविवारी दि.१७ ला  अमरावती येथे जोरदार पुढाकार घेतला. संघाच्या एका शिष्टमंडळाने धामणगाव विधानसभा मतदारसंघाचे आमदार प्रताप अडसड यांची भेट घेऊन प्रिंट मीडिया, इलेक्ट्रॉनिक मीडियाचे पत्रकार आणि वृत्तपत्र विक्रेत्यांच्या विविध प्रलंबित मागण्यांचे निवेदन सादर केले.

📄 पत्रकार आणि वृत्तपत्र विक्रेत्यांच्या प्रमुख मागण्या

 पत्रकार आणि वृत्तपत्र विक्रेत्यांसाठी स्वतंत्र 'पत्रकार महामंडळ' व 'वृत्तपत्र विक्रेता महामंडळ' स्थापन करण्यात यावे.

 पत्रकारांच्या सुरक्षिततेसह त्यांच्या कल्याणासाठी ठोस उपाययोजना आणि धोरणे शासनाने आखावीत.

प्रिंट व इलेक्ट्रॉनिक मीडिया क्षेत्रात काम करताना अनेक अडचणींचा सामना करावा लागतो, त्यामुळे या क्षेत्रातील सर्व घटकांना भक्कम संस्थात्मक आधार मिळावा.

जिल्हा आणि तालुका स्तरावर सर्व सोयींनी युक्त अशी 'पत्रकार भवन' उभारण्यात यावीत.

 आमदार प्रताप अडसड यांचे आश्वासन

निवेदन स्वीकारल्यानंतर आमदार प्रताप अडसड यांनी पत्रकार आणि वृत्तपत्र विक्रेत्यांच्या न्याय्य मागण्या प्राधान्याने सोडवण्यासाठी शासन स्तरावर सकारात्मक पाठपुरावा करण्याचे पूर्ण आश्वासन दिले.

सन १९९६ पासून जनसामान्यांच्या सेवेसोबत पत्रकारांच्या हितासाठी कार्यरत असलेल्या या संघटनेच्या शिष्टमंडळात खालील पदाधिकारी व सदस्य उपस्थित होते:

मनोहर सुने (राष्ट्रीय अध्यक्ष)

युसूफ खान (राष्ट्रीय कार्याध्यक्ष)

सुरेश सवळे (राष्ट्रीय नियोजन समिती अध्यक्ष)

कैलासबापू देशमुख (राष्ट्रीय संघटक तथा महाराष्ट्र प्रदेशाध्यक्ष)

राजेन्द्र भुरे (राष्ट्रीय सरचिटणीस)

अशोक पवार (राष्ट्रीय चिटणीस)

प्रदीप जोशी (राष्ट्रीय उपाध्यक्ष)

रवींद्र मेंढे

कांचन मुरके (महिला मंच प्रदेशाध्यक्ष)

सागर सवळे (राष्ट्रीय प्रसिद्धी प्रमुख)

राजेन्द्र ठाकरे (प्रदेश सरचिटणीस)

सुधाकर टिपरे (जिल्हाध्यक्ष)

संतोष वाघमारे

राजीव शिवणकर (तालुका सचिव)

या महत्त्वाच्या भेटीनंतर पत्रकार व वृत्तपत्र विक्रेत्यांच्या प्रलंबित प्रश्नांना आता नवे बळ मिळाल्याची भावना उपस्थित सर्व सदस्यांनी व्यक्त केली आहे.