*श्री. बालमुकुंद राठी विद्यालयच्या ६ विद्यार्थ्यांची वेटलिफ्टिंग स्पर्धेत राज्यस्तरावर निवड*

शिरजगाव कसबा दिनांक ६ (ग्रामीण उदय न्यूज नेटवर्क)

        क्रीडा व युवक संचालनालाय पुणे तथा राज्य वेट लिफ्टिंग संघटना मार्फत नुकत्याच झालेल्या विभागीय वेटलिफ्टिंग स्पर्धा  पुसद येथे पार पडली. यामध्ये ६ विद्यार्थ्यांची राज्यस्तरावर निवड करण्यात आली आहे.

    विभागस्तरीय शालेय क्रीडा वेटलिफ्टिंग स्पर्धेत श्री. बालमुकुंद राठी  विद्यालयातील १७ व १९ वर्षाखालील १३ मुलींनी व ९  मुलांनी एकूण २२ मुलांनी सहभाग घेतला होता.त्यापैकी वयोगट १७ मधून ३  व १९ मधून ३ मुलींनी विजेतेपद पटकाविले व   ३ सिल्वर व ७  ब्रॉन्झ मेडल पटकावले. एकूण ६ खेळाडूंची राज्यस्तरावर निवड झाली आहे .त्यामध्ये कु.वेदांती थोराईत , ईश्वरी थोराईत , रुपाली खंडारे , लक्ष्मी अमझरे ,निधी दाभाडे , व राधिका उघडे. खेळाडूंनी राज्यस्तरावर भरारी मारून शाळेचा इतिहास कायम ठेवून संस्थेचे नाव उज्वल केले आहे.संस्थेचे अध्यक्ष डॉ. विजय राठी, उपाध्यक्ष  श्यामसुंदर राठी,सचिव  प्रशांत राठी व सर्व संचालक तथा मुख्याध्यापक सतीश सुरडकर यांनी वेटलिफ्टिंग प्रशिक्षक ज्ञानेश्वर नवलकर  व सर्व खेळाडू यांचे  अभिनंदन व खेळाडूंना पुढील वाटचालीस शुभेच्छा दिल्या आहे.