'वाचनालयात उमलली 'ज्ञानदान' परंपरा

अखिल भारतीय ग्रामीण पत्रकार संघ सामाजिक महिला मंचातर्फे विद्यार्थ्यांसाठी प्रेरणादायी 'ग्रंथोत्सव'

भद्रावती: दिनांक १३ कांचन लंगडे (ग्रामीण उदय न्यूज नेटवर्क)

        ग्रामीण सामाजिक बांधिलकीची ऊब आणि शैक्षणिक ममत्व जपत, येथील अखिल भारतीय ग्रामीण पत्रकार संघ सामाजिक महिला मंच, भद्रावती यांनी नुकताच एक अत्यंत महत्त्वपूर्ण आणि प्रेरणादायी उपक्रम यशस्वीरीत्या पार पाडला आहे. वाचन संस्कृतीचे बीजारोपण करणे आणि भविष्याच्या वाटांवर संघर्ष करणाऱ्या विद्यार्थ्यांना आत्मविश्वास देणे, हा या 'ज्ञानदाना'च्या यज्ञामागील शुद्ध हेतू आहे.

        मंचच्या सदस्यांनी समाजातील गरजू आणि होतकरू विद्यार्थ्यांची नेमकी गरज ओळखून त्यांना केवळ मार्गदर्शनच नव्हे, तर त्यांच्या प्रगतीच्या मार्गातील एक महत्त्वाचे साधन अर्थात 'पुस्तके' भेट देण्याचा संकल्प केला आहे .हा संपूर्ण उपक्रम निशुल्क मदतीच्या उदात्त भावनेतून प्रेरित होता, ज्यामुळे समाजातील प्रत्येक घटकाला याचा लाभ मिळणार आहे.

स्थानिक वाचनालयाच्या पवित्र वातावरणात या कार्यक्रमाचे आयोजन करण्यात आले होते. याप्रसंगी, विशेषतः दहावी आणि बारावीच्या महत्त्वाच्या टप्प्यावर असलेल्या, तसेच स्पर्धा परीक्षा आणि इंजिनिअरिंग प्रवेशाचे स्वप्न पाहणाऱ्या मुलांना आवश्यक संदर्भ ग्रंथ आणि प्रेरणादायक जीवनचरित्रात्मक पुस्तके वितरित करण्यात आली. प्रत्येक पुस्तकासोबत, मंचच्या भगिनींनी मुलांना केवळ शैक्षणिक सल्लाच नाही, तर जीवनात आलेल्या प्रत्येक आवळणाला धीराने सामोरे जाण्याचा प्रेरणादायक मंत्र दिला.शैक्षणिक मार्गदर्शन सत्रादरम्यान मुलांशी संवाद साधून, त्यांचे शैक्षणिक प्रश्न समजावून घेतले गेले आणि त्यानंतर त्यांच्या कष्टाचे आणि जिद्दीचे प्रतीक म्हणून त्यांचा यथोचित सत्कार करण्यात आला. हा केवळ सत्कार नव्हता, तर त्यांच्या उज्ज्वल भविष्यासाठी केलेले ते सामूहिक शुभाशीर्वाद होते.

सेवाव्रतींचे समर्पण

मंचच्या या समाजोपयोगी कार्यात ज्या भगिनींनी सक्रिय सहभाग घेऊन सेवाभाव जपला, त्यांची उपस्थिती अत्यंत मोलाची ठरली आहे .यामध्ये सुनंदा खंडाळकर, कांचन लंगडे,,रोशनी कांबळे , वर्षा धाकाते आणि वर्षा मोहुरले यांचा सक्रिय सहभाग लक्षणीय होता. या सर्व महिलांनी आपापल्यापरीने मदत करून मंचच्या सामाजिक कार्याची परंपरा अधिक समृद्ध केली.ग्रामीण पत्रकार संघ सामाजिक महिला मंच, भद्रावती हे यापुढेही समाजाच्या कल्याणासाठी असेच निस्वार्थ सामाजिक कार्य करत राहतील, यात शंका नाही. त्यांचे हे 'ज्ञानदान' केवळ पुस्तकांचे वितरण नसून, एका सशक्त आणि साक्षर समाजाच्या निर्मितीची ती पहिली पायरी आहे.