व्यावसायिक वादातून 'ऑन रोड गेम'; निलेश बदुकले यांचा बळी

       

      मृत निलेश बदुकले 

 

                                      

                                       स्वर्गीय  निलेश बदुकले व त्यांची पत्नी, मुले असे हे कुटुंब

मुरूम वाहतुकीच्या वादातून व्यावसायिकाला चिरडले

  दि.२० चांदूरबाजार (ग्रामीण उदय न्यूज नेटवर्क) :-  

अमरावती जिल्ह्यातील चांदूर बाजार येथे मुरूम वाहतुकीच्या जुन्या वादातून एका व्यावसायिकाला वाहनाखाली चिरडून ठार करण्यात आल्याची हृदयद्रावक घटना घडली आहे.

   मृत व्यक्तीचे नाव निलेश बदुकले (वय ४२, रा. ब्राह्मणवाडा) असे आहे.  त्यांच्या पत्नीही या घटनेत गंभीर जखमी झाल्या आहेत.मृताचे वडील सुरेश बदुकले (वय ७१) यांनी स्थानिक पोलिसांत तक्रार दाखल केली आहे.

एका वाहनाने त्यांना जोराची धडक दिली, ज्यात त्यांचा मृत्यू झाला. सुरुवातीला हा अपघात वाटत असला तरी, स्थानिक नागरिक आणि नातेवाईकांनी हा 'अपघाताचा बनाव' असल्याचा संशय व्यक्त केला आहे. . निलेश बदुकले हे मुरूम व्यवसायात होते. व्यावसायिक प्रतिस्पर्धेतून किंवा मुरूम वाहतुकीच्या जुन्या वादातून त्यांचा हा 'ऑन रोड गेम' (नियोजित हत्या) करण्यात आल्याचा आरोप त्यांच्या समर्थकांनी केला आहे.

आरोपी: आरोपीचे नाव अजय भुजंगराव लंगोटे (वय ४०, रा. थुगाव पिंपरी) असे आहे, ज्याला पोलिसांनी अटक केली आहे. आरोपीने एमएच-२७ एएच-०४२१ किंवा एमएच-२७ बीएक्स-०४२१ या चारचाकी वाहनाने बदुकले यांना धडक दिली. 

 चांदूर बाजार येथील वलगाव रोडवरील ऑरेंज लाईन शाळेजवळ सोमवारी (१९ जानेवारी २०२६) सकाळी सहाच्या सुमारास ही घटना घडली, जेव्हा निलेश आणि त्यांची पत्नी मॉर्निंग वॉकला गेले होते. 

 या घटनेनंतर चांदूर बाजार पोलीस स्टेशनसमोर मोठ्या प्रमाणात गर्दी जमली होती. संतप्त नागरिकांनी या प्रकरणाची सखोल चौकशी करून दोषींवर कठोर कारवाई करण्याची मागणी केली आहे.

आरोपीने जुन्या मुरूम वाहतुकीच्या वादातून मुलास व सुनेला धडक देऊन निलेश याला जीवानिशी ठार मारल्याचे तक्रारीत म्हटले आहे. वाहनाने रस्त्याच्या कडेला असलेल्या पेव्हिंग ब्लॉकवर चढून धडक दिल्याचे टायरचे ठसे दिसून आले आहेत.  ठाणेदार अशोक जाधव तपास करत आहेत.

 या घटनेमुळे चांदूर बाजार परिसरात तणावाचे वातावरण निर्माण झाले असून, सुरक्षेच्या दृष्टीने पोलीस बंदोबस्त तैनात करण्यात आला आहे.