इथिओपियातील ज्वालामुखीच्या राखेचे ढग भारताकडे; दिल्ली, हरियाणा, राजस्थानमध्ये 'हाय अलर्ट', 'वर्क फ्रॉम होम' अनिवार्य

 

    

नवी दिल्ली, [दि.२५]:

आफ्रिकेतील इथिओपिया देशात झालेल्या भीषण ज्वालामुखीच्या उद्रेकामुळे निघालेले राखेचे प्रचंड ढग आता भारताच्या दिशेने सरकत आहेत. यामुळे उत्तर भारतातील अनेक राज्यांमध्ये गंभीर परिस्थिती निर्माण झाली असून, प्रशासनाने तातडीच्या उपाययोजना सुरू केल्या आहेत.

'हाय अलर्ट' जारी:

या संभाव्य धोक्याच्या पार्श्वभूमीवर राजधानी दिल्लीसह, हरियाणा आणि राजस्थान या राज्यांमध्ये 'हाय अलर्ट' जारी करण्यात आला आहे. ही राख हवेत मिसळल्यास नागरिकांच्या आरोग्यावर आणि दैनंदिन जीवनावर मोठा परिणाम होण्याची शक्यता वर्तवण्यात आली आहे.

विमान वाहतुकीवर परिणाम आणि 'WFH':

• हवेतील दृश्यमानता कमी होण्याची आणि इंजिनमध्ये राख जाण्याची भीती असल्याने विमान वाहतुकीवर मोठा परिणाम होण्याची शक्यता आहे. अनेक उड्डाणे रद्द किंवा विलंबाने होण्याची शक्यता असून प्रवाशांनी संबंधित एअरलाईनच्या वेबसाइटवर स्थिती तपासण्याचे आवाहन करण्यात आले आहे.
• परिस्थितीचे गांभीर्य लक्षात घेता, दिल्ली सरकारने मोठा निर्णय घेतला आहे. दिल्लीतील सर्व कार्यालयांमध्ये ५० टक्के कर्मचाऱ्यांसाठी 'वर्क फ्रॉम होम' (Work From Home) अनिवार्य करण्यात आले आहे, जेणेकरून नागरिकांची बाहेरची हालचाल कमी होईल.

हवामान तज्ज्ञांचे या राखेच्या ढगांच्या हालचालीवर बारीक लक्ष असून, पुढील २४ ते ४८ तास अत्यंत महत्त्वाचे मानले जात आहेत. नागरिकांनी काळजी घ्यावी आणि शक्य असल्यास बाहेर पडणे टाळावे, असे आवाहन करण्यात आले आहे.