संविधान दिन विशेष: 'विकसित भारता'साठी कर्तव्यांचे पालन करा - पंतप्रधान मोदींचे आवाहन

• कर्तव्य हेच सर्वोच्च: संविधान दिनानिमित्त पंतप्रधान मोदींचे नागरिकांना भावनिक पत्र
  

 पंतप्रधान नरेंद्र मोदी यांनी संविधान दिनानिमित्त (२६ नोव्हेंबर २०२५) नागरिकांना एक पत्र लिहिले आहे, ज्यात त्यांनी 'विकसित भारता'च्या निर्मितीसाठी कर्तव्यांना सर्वोच्च प्राधान्य देण्याचे आवाहन केले आहे.असेच हे पत्र मा.  श्री. मनोहरराव सुने (अमरावती मेळघाट जिल्हा) यांना पण देण्यात आले आहे. 

प्रिय मनोहर सदाशिव सुने जी,

नमस्ते!

 

पत्रातील प्रमुख मुद्दे:

कर्तव्यांवर भर: संविधानाने नागरिकांना अधिकार दिले असले तरी, कर्तव्यांचे पालन करणे हेच सशक्त लोकशाहीचा पाया आहे. महात्मा गांधीजींच्या "कर्तव्यांच्या पालनातूनच अधिकार मिळतात" या विचाराचा त्यांनी पुनरुच्चार केला.

• 'विकसित भारत' २०४७: आज घेतलेले निर्णय आणि सामूहिक कृती पुढील पिढ्यांचे जीवन घडवतील. 'विकसित भारत'  चे स्वप्न साकार करण्यासाठी प्रत्येक नागरिकाने आपले कर्तव्य निष्ठेने पार पाडले पाहिजे.
• मतदानाचा हक्क: लोकशाही बळकट करण्यासाठी मतदानाचा हक्क बजावणे हे प्रत्येक नागरिकाचे कर्तव्य आहे. शाळा आणि महाविद्यालयांमध्ये १८ वर्षे पूर्ण करणाऱ्या नवीन मतदारांचा सत्कार करण्याची कल्पनाही त्यांनी सुचवली.
• संविधानाप्रती आदर: संविधानाला 'पवित्र दस्तऐवज' असे संबोधून, त्यांनी २०१४ मध्ये पहिल्यांदा संसदेत प्रवेश करताना संविधानाला वाकून केलेला नमस्कार आणि २०१९ मध्ये ते कपाळाला लावल्याचा क्षण आठवला.
• संविधान निर्मात्यांना आदरांजली: डॉ. राजेंद्र प्रसाद, डॉ. बाबासाहेब आंबेडकर आणि संविधान सभेतील इतर सदस्य, विशेषतः महिला सदस्यांच्या योगदानाचे त्यांनी स्मरण केले. 
• पंतप्रधानांनी या पत्राद्वारे प्रत्येक भारतीयाला राष्ट्र उभारणीच्या प्रक्रियेत सक्रिय सहभाग घेण्यास आणि देशाच्या प्रगतीसाठी आपले कर्तव्य अव्वल स्थानी ठेवण्यास प्रवृत्त केले आहे.