दूरसंचार सल्लागार समिती, अमरावती ची बैठक संपन्न

अमरावती दिनांक १/०९/२०२६

दूरसंचार सल्लागार समिती, अमरावतीची बैठक दिनांक २९ ऑगस्ट २०२६ रोजी बीएसएनएल अमरावती येथे आयोजित करण्यात आली होती. या बैठकीच्या अध्यक्षस्थानी माननीय डॉ. अनिल बोंडे, खासदार (राज्यसभा) / अध्यक्ष, दूरसंचार सल्लागार समिती अमरावती हे होते. तसेच श्रीमती माधुरी निमजे, महाव्यवस्थापक व व्यवसाय क्षेत्र प्रमुख, बीएसएनएल अमरावती तथा सदस्य सचिव, दूरसंचार सल्लागार समिती अमरावती यांची प्रमुख उपस्थिती होती.

बैठकीच्या सुरुवातीला उपस्थित सर्व दूरसंचार सल्लागार समिती सदस्यांचे रोपे देऊन स्वागत करण्यात आले. या बैठकीस दूरसंचार सल्लागार समितीचे सदस्य श्री. उमेश अकरते (वरुड), श्री. सागर शिंगणे (तिवसा), श्री. अंकुश अडगोकर (अचलपूर), श्री. शशिकांत पाथरे (अंजनगाव सुर्जी), ॲडव्होकेट श्री. अरुण जिचकर (चांदूर रेल्वे), श्री. प्रवीण वैश्य (अमरावती), श्री. राजेश अखेगावकर (अमरावती), श्री. दीपक पोहेकर (अमरावती), श्री. रविकिरण वाघमारे आणि श्री. ओमप्रकाश झोड (श्री. बळवंत वानखडे, खासदार (लोकसभा) / दूरसंचार सल्लागार समिती अमरावती यांचे खासगी सचिव) हे उपस्थित होते.

याप्रसंगी बीएसएनएलचे प्रमुख अधिकारी उपस्थित होते — श्रीमती माधुरी निमजे, महाव्यवस्थापक दूरसंचार; श्री. विवेक वानखेडे, उपमहाव्यवस्थापक; श्री. संतोष गांधी, उपमहाव्यवस्थापक; श्री. संजय गुरभेले, अंतर्गत वित्त सल्लागार आणि अमरावती एसएसएचे सर्व सहाय्यक महाव्यवस्थापक.

बैठकीत श्रीमती माधुरी निमजे (महाव्यवस्थापक व व्यवसाय क्षेत्र प्रमुख, बीएसएनएल अमरावती) यांनी आपल्या मनोगतात अमरावती व्यावसायिक क्षेत्रात (BA) दूरसंचार सेवांचा विस्तार, नेटवर्क आणि कनेक्टिव्हिटीमध्ये होत असलेली सुधारणा, 4G सेवा, FTTH तसेच ग्राहकांना अधिक उत्तम व दर्जेदार सेवा देण्यासाठी केले जात असलेल्या प्रयत्नांची सविस्तर माहिती दिली. बदलत्या तांत्रिक वातावरणात बीएसएनएल सातत्याने स्वतःला सक्षम आणि आधुनिक बनवत देशाची डिजिटल कनेक्टिव्हिटी मजबूत करण्याच्या दृष्टीने कार्यरत असल्याचे त्यांनी अधोरेखित केले.

श्री. नितीन मोलके, उपमंडळ अभियंता (मार्केटिंग) यांनी पीपीटीच्या (PPT) माध्यमातून बीएसएनएलच्या विविध मोबाईल आणि इतर सेवा, उपलब्ध प्लॅन्स, मार्केटिंग उपक्रम तसेच ग्राहकांसाठी उपलब्ध सुविधांविषयी सविस्तर सादरीकरण केले. त्यांनी विविध प्लॅन्सची वैशिष्ट्ये आणि ग्राहकांसाठी बीएसएनएलकडून उपलब्ध करून दिलेल्या पर्यायांची माहितीही शेअर केली.

श्री सोपान लिचडे, सहाय्यक महाव्यवस्थापक यांनी मागील बैठकीतील मुद्द्यांचे वाचन केले आणि अद्ययावत माहिती उपलब्ध करून दिली.

दूरसंचार सल्लागार समितीचे सदस्य तसेच अमरावती SSA बीएसएनएलच्या अधिकाऱ्यांद्वारे अमरावती जिल्ह्यात दूरसंचार सेवांची स्थिती, मोबाईल नेटवर्क आणि कनेक्टिव्हिटीशी संबंधित विविध महत्त्वाच्या विषयांवर चर्चा करण्यात आली.

बैठकीत सदस्यांनी आपापल्या क्षेत्रातील दूरसंचार सेवांशी संबंधित समस्या आणि सूचना मांडल्या. विशेषतः ग्रामीण आणि दुर्गम भागांत मोबाईल नेटवर्कची उपलब्धता व दर्जा सुधारणे, कमकुवत नेटवर्क असलेल्या भागांत कव्हरेज वाढवणे आणि आवश्यकतेनुसार नवीन मोबाईल टॉवर उभारण्याबाबत चर्चा झाली. तरीही, दूरसंचार सल्लागार समितीच्या सदस्यांनी बीएसएनएलच्या सेवांमध्ये होत असलेल्या सुधारणांचे कौतुक करत आपले समाधान व्यक्त केले.

बीएसएनएलच्या अधिकाऱ्यांनी जिल्ह्यात दूरसंचार सेवांचा विस्तार व बळकटीकरणासाठी सुरू असलेल्या कामांची तसेच विविध भागांत नेटवर्क सुधारण्यासाठी केले जात असलेल्या प्रयत्नांची माहिती समितीला दिली.

माननीय डॉ. अनिल बोंडे, खासदार (राज्यसभा) / अध्यक्ष, दूरसंचार सल्लागार समिती अमरावती यांनी नेटवर्क आणि दूरसंचार विषयक समस्यांवर विचारविनिमय केला. जिल्ह्यात दूरसंचार सेवांच्या विस्तारात आणि बळकटीकरणात येणाऱ्या अडचणींविषयी त्यांनी माहिती मागवली. दूरसंचार सल्लागार समितीचे सदस्य आणि बीएसएनएल अधिकारी यांच्यातील अर्थपूर्ण संवादामुळे दूरसंचारविषयक समस्या समजून घेणे, त्यांच्या निवारणासाठी प्रभावी पावले उचलणे आणि सेवांमध्ये सातत्याने सुधारणा निश्चित करणे यामध्ये मदत होते, असे त्यांनी सांगितले. त्यांनी सोशल मीडियावर संस्थेची सक्रियता वाढवणे, जनतक्रारींचे निवारण करणे, कार्यालयाचे संपूर्ण कामकाज आणि पत्रव्यवहार हिंदी भाषेत करणे तसेच नागरिकांपर्यंत बीएसएनएलच्या नवीन सेवांची माहिती पोहोचवण्यासाठी हिंदी पंधरवड्यादरम्यान कवी संमेलनासारख्या कार्यक्रमांचे आयोजन करण्याच्या सूचना दिल्या.

बैठकीत प्राप्त झालेल्या सूचना व समस्यांवर आवश्यक ती कारवाई करणे आणि जिल्ह्यातील दूरसंचार सेवा अधिक मजबूत व दर्जेदार करण्यासाठी समन्वयाने प्रयत्न करण्यावर भर देण्यात आला.

कार्यक्रमाचे सूत्रसंचालन श्रीमती अतिंदर कौर, क.रा.भा. (राजभाषा) अधिकारी यांनी केले. प्रशासकीय सहकार्य श्री अरुण बढे, सहाय्यक महाव्यवस्थापक; श्री विपिन देशमुख, उपमंडळ अभियंता (प्रशासन) आणि नितीन सावजी, रा.भा. जनसंपर्क अधिकारी यांचे लाभले. शेवटी श्री विवेक वानखेडे, उपमहाव्यवस्थापक यांच्या आभार प्रदर्शनाने बैठक सौहार्दपूर्ण आणि सकारात्मक वातावरणात संपन्न झाली.

भारताची विश्वासार्ह सार्वजनिक क्षेत्रातील दूरसंचार सेवा पुरवठादार म्हणून, आव्हानात्मक भौगोलिक आणि हवामानाच्या परिस्थितीतही विश्वासार्ह दळणवळण सेवा सुनिश्चित करण्यासाठी देशभरात विश्वासार्ह, सुरक्षित, परवडणारी आणि सर्वसमावेशक डिजिटल कनेक्टिव्हिटी प्रदान करण्याच्या आपल्या संकल्पावर बीएसएनएल ठाम आहे. 'आत्मनिर्भर भारत' आणि 'डिजिटल इंडिया'च्या व्हिजनने प्रेरित होऊन बीएसएनएल स्वदेशी तंत्रज्ञान आणि ग्राहक-केंद्रित नवकल्पनांनी सज्ज असे एक मजबूत आणि भविष्यासाठी तयार असणारे दूरसंचार नेटवर्क उभारण्यासाठी कटिबद्ध आहे. बीएसएनएलचे समर्पित कर्मचारी दृढ वचनबद्धतेसह राष्ट्राची सेवा करत आहेत आणि डिजिटल इंडियाचे फायदे भारतातील प्रत्येक नागरिकांपर्यंत पोहोचतील याची खात्री करत आहेत.

स्वातंत्र्यदिन सोहळ्याचा एक भाग म्हणून, ग्राहकांचा अनुभव अधिक समृद्ध करणे, डिजिटल सेवांचा विस्तार करणे तसेच प्रगत कनेक्टिव्हिटी व मनोरंजन देशातील नागरिकांसाठी अधिक सुलभ करण्याच्या उद्देशाने नवीन ग्राहक-केंद्रित उपक्रम आणि विशेष ऑफर्सची मालिका जाहीर करताना बीएसएनएलला आनंद होत आहे.

नेटवर्कचे बळकटीकरण — देशभरात 4G विस्तार आणि अधिक चांगला ग्राहक अनुभव 

जागतिक दर्जाच्या आणि स्वदेशी कनेक्टिव्हिटीबाबतची आपली कटिबद्धता अधिक मजबूत करत बीएसएनएलने आपले मोबाईल नेटवर्क उल्लेखनीयरीत्या सुधारले आहे. कंपनीने देशभरात उभारणीसाठी २६,३०० हून अधिक अतिरिक्त 4G BTS (बेस ट्रान्सिव्हर स्टेशन) साईट्सची ऑर्डर दिली आहे, ज्यामुळे अधिक शहरे, गावे आणि दुर्गम भागांपर्यंत बीएसएनएलच्या 4G सेवांचा विस्तार होईल. या विस्तारासोबतच बीएसएनएलच्या 4G नेटवर्कचे व्यापक प्रमाणात ऑप्टिमायझेशन (सक्षमीकरण) करण्यात आले आहे, ज्यामुळे नेटवर्कच्या दर्जात सुधारणा, व्यापक आणि सातत्यपूर्ण कव्हरेज, जलद डेटा स्पीड आणि सुधारित कॉल परफॉर्मन्ससह एकूण ग्राहक अनुभवात मोठी सुधारणा झाली आहे. हे संपूर्ण नेटवर्क स्वदेशी आणि 5G-अपग्रेड करण्यायोग्य तंत्रज्ञानावर आधारित आहे.

स्वातंत्र्यदिनानिमित्त विशेष घोषणा

Re. 1 Freedom 2.0 ऑफर 

स्वातंत्र्यदिनानिमित्त एक विशेष उपक्रम म्हणून बीएसएनएलने 'Re. 1 Freedom 2.0 Offer' लाँच केली आहे, ज्याद्वारे नवीन ग्राहक केवळ १ रुपयात बीएसएनएलच्या मोबाईल नेटवर्कचा अनुभव घेऊ शकतात. या ऑफरअंतर्गत ग्राहकांना खालील फायदे मिळतील:

• दररोज 1 GB डेटा

• दररोज 100 SMS

• अमर्याद (अनलिमिटेड) व्हॉईस कॉल्स

• २४ दिवसांची वैधता (व्हॅलिडिटी)

ग्राहकांना बीएसएनएलच्या मोबाईल सेवांचा अनुभव घेणे आणि भारताच्या विश्वासार्ह दूरसंचार नेटवर्कशी जोडले जाणे अधिक सोपे व परवडणारे बनवण्याच्या उद्देशाने ही ऑफर सुरू करण्यात आली आहे.

BSNL Fibre Freedom Plan – ₹१,१११ प्रति महिना लाँच ऑफर 

बीएसएनएलने 'Fibre Freedom Plan' सादर केला आहे, जो ₹१,१११ प्रति महिन्याच्या विशेष लाँच किमतीत प्रीमियम ब्रॉडबँड आणि मनोरंजनाचा अनुभव प्रदान करतो. या प्लॅनमध्ये समाविष्ट आहे:

• 200 Mbps पर्यंत इंटरनेट स्पीड

• दरमहा 5,000 GB डेटा

• २५ हून अधिक प्रीमियम OTT प्लॅटफॉर्म्सचा ॲक्सेस

• एकाच कनेक्शनद्वारे व्यापक ब्रॉडबँड आणि डिजिटल मनोरंजनाचा अनुभव

हा उपक्रम ग्राहकांना हाय-स्पीड, परवडणाऱ्या आणि अधिक मूल्यवर्धित ब्रॉडबँड सेवा उपलब्ध करून देण्याच्या बीएसएनएलच्या कटिबद्धतेला अधिक मजबूत करतो.

 ग्राहकांसाठी नवीन Selfcare Mobile App चा शुभारंभ 

बीएसएनएलने Android आणि iOS प्लॅटफॉर्मवर आपले सेल्फकेअर मोबाईल ॲप “BSNL Selfcare New” नवीन रूपात सादर केले आहे, जे ग्राहकांना सोयीस्कर आणि वापरण्यास सोपा असा डिजिटल अनुभव प्रदान करते. हे ॲप ग्राहकांना प्रीपेड रिचार्ज, पोस्टपेड व लँडलाईन बिल भरणे, तक्रार नोंदवणे आणि तिची स्थिती पाहणे, DND व्यवस्थापन, पेमेंट हिस्ट्री, फायबर बुकिंग विनंती, AI चॅटबॉट मदत, व्हॉईस सर्च, एकापेक्षा जास्त खात्यांचे व्यवस्थापन आणि BSNL Entertainment TV पर्यंत पोहोच यांसारख्या सेवा एकाच प्लॅटफॉर्मद्वारे उपलब्ध करून देते.

 BSNL Free Entertainment TV (Tango TV द्वारे संचलित) 

बीएसएनएलचे मोबाईल ग्राहक आता नवीन 'BSNL Selfcare App' द्वारे Tango TV द्वारे संचलित BSNL Free Entertainment TV चा लाभ मोफत घेऊ शकतात. याअंतर्गत जवळपास ५०० लाईव्ह टीव्ही (Live TV) चॅनेल्स उपलब्ध आहेत.

ही सेवा लाईव्ह टेलिव्हिजन चॅनेल्स आणि ऑन-डिमांड मनोरंजनात्मक सामग्रीच्या विस्तृत श्रेणीत प्रवेश प्रदान करते, ज्यामुळे बीएसएनएल ग्राहक त्यांच्या मोबाईल उपकरणांद्वारे डिजिटल मनोरंजनाचा सोयीस्करपणे आनंद घेऊ शकतात.

 BSNL Satellite Phone Services (बीएसएनएल सॅटेलाइट फोन सेवा) 

बीएसएनएल 'ग्लोबल सॅटेलाइट फोन सर्व्हिस' (GSPS) उपलब्ध करून देते, ज्यामध्ये सॅटेलाइट (उपग्रह) कनेक्टिव्हिटीचा वापर केला जातो. यामुळे पारंपरिक मोबाईल नेटवर्क उपलब्ध नसलेल्या ठिकाणीही व्हॉईस कम्युनिकेशन (संभाषण) शक्य होते. ही सेवा विशेषतः दुर्गम, भौगोलिकदृष्ट्या आव्हानात्मक आणि दळणवळणाच्या दृष्टीने संवेदनशील भागांसाठी उपयुक्त आहे. यामुळे देशाच्या विविध भूभागांमध्ये आणि क्षेत्रांमध्ये कनेक्टिव्हिटी सुनिश्चित करण्यात बीएसएनएलची भूमिका अधिक मजबूत होते.

 ₹२,३९९ च्या प्लॅनवर अतिरिक्त वैधता (व्हॅलिडिटी) 

स्वातंत्र्यदिनानिमित्त बीएसएनएल आपल्या ₹२,३९९ च्या वार्षिक प्रीपेड प्लॅनवर ४७ दिवसांची अतिरिक्त वैधता प्रदान करत आहे. त्यामुळे या प्लॅनची एकूण वैधता ३६५ + ४७ = ४१२ दिवस होईल. या ऑफरअंतर्गत ग्राहक ₹२,३९९ च्या प्लॅनच्या सध्याच्या फायद्यांसह विस्तारित सेवा वैधतेचा आनंद घेऊ शकतील, ज्यामुळे ही मर्यादित कालावधीसाठी ग्राहकांसाठी एक आकर्षक ऑफर ठरते.

 BSNL–Polycab भागीदारी — मेक इन इंडिया टेलिकॉम मॅन्युफॅक्चरिंग 

बीएसएनएलने 'मेक इन इंडिया' आणि 'आत्मनिर्भर भारत'च्या व्हिजनअंतर्गत स्वदेशी टेलिकॉम उत्पादनाला (मॅन्युफॅक्चरिंग) चालना देण्यासाठी Polycab सोबत भागीदारी केली आहे. या सहकार्याच्या केंद्रस्थानी Polycab ची Electronic Manufacturing Services (EMS) आहे, जी दूरसंचार आणि नेटवर्किंग उपकरणांसाठी [कॅमेरा/ONT/राऊटर इत्यादी] अत्याधुनिक असेंब्ली आणि उत्पादन सुविधा पुरवते व विश्वासार्ह, 'मेड इन इंडिया' हार्डवेअरची निर्मिती करते.

एका नाविन्यपूर्ण Hardware-as-a-Service (HaaS) मॉडेलद्वारे प्रदान केली जाणारी ही भागीदारी बीएसएनएलला आणि इतर संस्थांना मोठ्या आगाऊ गुंतवणुकीशिवाय स्केलेबल, परवडणाऱ्या आणि भविष्यासाठी सज्ज पायाभूत सुविधांच्या उभारणीत मदत करते. त्याचबरोबर, ही भागीदारी भारतातील दूरसंचार क्षेत्रातील अंतर्गत उत्पादन आणि आत्मनिर्भरतेलाही बळकट करते.

या सर्व संकल्पना परवडणारे, सुरक्षित, विश्वासार्ह आणि नाविन्यपूर्ण डिजिटल सोल्यूशन्स उपलब्ध करून देण्याच्या तसेच 'डिजिटलदृष्ट्या सक्षम भारत' या व्हिजनमध्ये योगदान देण्याच्या बीएसएनएलच्या दृढ वचनबद्धतेची पुनरावृत्ती करतात.