संसदेत स्मार्ट वॉच आणि स्मार्ट चष्म्यांना 'नो एन्ट्री'; लोकसभा सचिवालयाच्या कडक सूचना!

दि. १७ :-

 संसदेच्या आगामी पावसाळी अधिवेशनापूर्वी लोकसभा सचिवालयाने सुरक्षेच्या कारणास्तव खासदार आणि कर्मचाऱ्यांसाठी एक अत्यंत महत्त्वाचा नियम लागू केला आहे.

संसदेच्या आवारात आणि सभागृहात आता स्मार्ट वॉच (Smart Watches) आणि स्मार्ट चष्मे (Smart Glasses) वापरण्यावर पूर्णपणे बंदी घालण्यात आली आहे.

 स्मार्ट उपकरणांना 'नो एन्ट्री'

 स्मार्ट वॉच, स्मार्ट चष्मे, पेन कॅमेरा तसेच रेकॉर्डिंगची क्षमता असलेली इतर कोणतीही आधुनिक इलेक्ट्रॉनिक उपकरणे संसदेत नेण्यास सक्त मनाई असेल.

 लोकसभा सचिवालयाने अधिवेशनाच्या पार्श्वभूमीवर या कडक मार्गदर्शक सूचना जारी केल्या आहेत.

 ...तर गोपनीयतेचा होऊ शकतो भंग!

 या आधुनिक उपकरणांमध्ये ऑडिओ आणि व्हिडिओ रेकॉर्डिंग, तसेच इंटरनेट कनेक्टिव्हिटीची सुविधा असते.

 अशा उपकरणांमुळे संसदेतील अंतर्गत चर्चा, संवेदनशील निर्णय किंवा व्हीआयपी हालचालींची नोंद नकळतपणे बाहेर जाण्याची शक्यता असते. त्यामुळे संसदेच्या अंतर्गत सुरक्षेला आणि गोपनीयतेला मोठा धोका निर्माण होऊ शकतो, हे लक्षात घेऊन ही बंदी घालण्यात आली आहे.

 २० जुलैपासून पावसाळी अधिवेशन

संसदेचे पावसाळी अधिवेशन २० जुलैपासून सुरू होत आहे.

 हे अधिवेशन सुरू होण्यापूर्वीच सचिवालयाने ही नोटीस जारी केली असून, सर्व लोकप्रतिनिधी आणि कर्मचाऱ्यांना याचे काटेकोरपणे पालन करावे लागणार आहे.