देशभरातील ८२ शिक्षकांचा राष्ट्रपतींच्या हस्ते 'राष्ट्रीय शिक्षक पुरस्कारा'ने गौरव; लातूरच्या वैभव कुलकर्णींनाही बहुमान

दि.५ सप्टेंबर  :-

 नवी दिल्ली येथील विज्ञान भवनात आज राष्ट्रपती द्रौपदी मुर्मू यांच्या हस्ते देशातील ८२ उत्कृष्ट शिक्षकांना 'राष्ट्रीय शिक्षक पुरस्कार २०२६' प्रदान करण्यात आला आहे. या विशेष सोहळ्याचे थेट प्रक्षेपण दूरदर्शन आणि शिक्षण मंत्रालयाच्या अधिकृत डिजिटल प्लॅटफॉर्मवर करण्यात आले. 

या वर्षीचा राष्ट्रीय पुरस्कार शिक्षण क्षेत्रातील तीन वेगवेगळ्या स्तरांवरील उत्कृष्ट योगदानासाठी विभागून देण्यात आला आहे

 देशातील विविध राज्यांमधून आणि केंद्रीय विद्यालयांमधून ४८ शाळा शिक्षकांची निवड करण्यात आली आहे (यामध्ये २६ पुरुष आणि २२ महिला शिक्षकांचा समावेश आहे).

 महाविद्यालये आणि विद्यापीठांमधील २१ प्राध्यापकांना सन्मानित करण्यात आले आहे.

 कौशल्य विकास आणि उद्यमिता मंत्रालयाच्या अंतर्गत प्रशिक्षण देणाऱ्या १३ शिक्षकांना हा पुरस्कार मिळाला आहे. 

१५ जून ते २० जुलाई दरम्यान मागवण्यात आलेल्या ऑनलाइन स्व-नामांकनांमधून, जिल्हा, राज्य आणि त्यानंतर एका स्वतंत्र राष्ट्रीय ज्यूरीद्वारे (National Jury) अत्यंत कडक तपासणी करून या ८२ शिक्षकांची अंतिम निवड करण्यात आली. 

यंदा महाराष्ट्रातील लातूरच्या नवोदय विद्यालयातील गणित शिक्षक वैभव वसंतराव कुलकर्णी यांना त्यांच्या तीन दशकांच्या प्रदीर्घ सेवेसाठी आणि ७०० हून अधिक शैक्षणिक व्हिडिओंद्वारे विद्यार्थ्यांना गणित सोपे करून शिकवल्याबद्दल राष्ट्रीय पुरस्काराने गौरवण्यात आले.

 राष्ट्रपती आणि मुख्यमंत्र्यांचे उद्गापुरस्कार प्रदान करताना राष्ट्रपती द्रौपदी मुर्मू आणि केंद्र सरकारने नमूद केले की, शिक्षक हे केवळ ज्ञान देत नाहीत, तर ते विद्यार्थ्यांचे विचार आणि संस्कार घडवून 'विकसित भारत २०४७' चा भक्कम पाया रचत आहेत. पुरस्कार सोहळ्याच्या आधी सर्व विजेत्या शिक्षकांनी पंतप्रधान नरेंद्र मोदी यांचीही भेट घेतली होती.