खोमई-शिरजगावच्या अरुंद व धोकादायक रस्त्यावर खाजगी बसची वाहतूक

 तपासणी नाका टाळण्यासाठी खासगी बसेसचा जीवघेणा प्रवास;

 अरुंद रस्त्यामुळे दुर्घटनांचा धोका

शिरजगाव कसबा (अमरावती):

परतवाडा-बैतूल महामार्गावरील तपासणी नाका (चेक पोस्ट) टाळण्यासाठी अनेक खासगी प्रवासी बसेसचालक खोमई-शिरजगाव कसबा येथील अत्यंत अरुंद आणि धोकादायक आडमार्गाचा वापर करत असल्याचे उघड झाले आहे  वर्षानुवर्षे तुटलेल्या पुलावरून आणि पर्वतीय चढ-उतारातून या बसेस धावत असल्याने प्रवाशांच्या जीवाला मोठा धोका निर्माण झाला आहे 

तुटलेला पूल: तुटलेल्या पुलावरून किंवा अरुंद रस्त्यावरून जाताना एखादा गंभीर अपघात झाल्यास त्याची जबाबदारी नेमकी कुणावर येणार, असा प्रश्न नागरिकांकडून उपस्थित केला जात आहे.

धोकादायक मार्ग: हा रस्ता अत्यंत अरुंद असून, बाजूला असलेल्या नाल्यावरील पूल तुटलेल्या अवस्थेत आहे. अवजड बसेस या मार्गावरून जाताना अपघात होण्याची भीती स्थानिक नागरिक व्यक्त करत आहेत

नियमबाह्य वाहतूक:  खरपी गावापासून सुमारे ८ किमी अंतरावर असलेल्या तपासणी नाक्याच्या आधीच, खरपी फाट्यावरून बसेस शिरजगाव कसबा पाळा-खोमई रस्त्यावरून वळविल्या जात आहेत.  अनेक ट्रॅव्हल्सकडे आवश्यक परमिट नसतानाही त्या सर्रास धावत आहेत. हे चालक तपासणी नाक्यावर होणारी कारवाई आणि कर चुकवण्यासाठी हा पर्यायी मार्ग निवडत आहेत

प्रवाशांच्या सुरक्षेचा प्रश्न: अवैध प्रवासी वाहतुकीमुळे प्रवाशांच्या सुरक्षेचा गंभीर प्रश्न निर्माण झाला आहे. प्रवासी आणि वाहनचालक दोघांसाठीही हा प्रवास जीवघेणा ठरू शकतो 

जबाबदारी कोणाची?: परमिट आणि मार्ग पालनाची जबाबदारी प्रादेशिक परिवहन कार्यालयाची (आरटीओ) आहे, तर सुरक्षा व्यवस्था पोलिसांची आणि रस्त्यांची देखभाल लोक निर्माण विभागाची (पीडब्ल्यूडी) आहे. नियमांचे उल्लंघन करणाऱ्यांवर कठोर कारवाई करण्याची मागणी जोर धरत आहे .

प्रशासकीय कारवाई:

अमरावती प्रादेशिक परिवहन अधिकारी (RTO) उर्मिला पवार यांनी यापूर्वीही अवैध प्रवासी वाहतुकीला आळा घालण्यासाठी कठोर पावले उचलली आहेत. त्यांनी फ्लाइंग स्कॉडला नियमबाह्य धावणाऱ्या वाहनांवर कारवाई करण्याचे निर्देश दिले आहेत  तरीही, स्थानिक नागरिकांच्या म्हणण्यानुसार, जोपर्यंत तुटलेल्या पुलाची दुरुस्ती होत नाही आणि या मार्गावरील अवजड वाहनांची वाहतूक थांबवली जात नाही, तोपर्यंत धोका कायम आहे.